АНУ-ын өсвөр үеийнхний шүтээн болсон дуучин, жүжигчин Майли Сайрус 19 насандаа сүй тавилаа. Тэрээр 2009 оноос хойш үерхэж буй найз залуугаасаа сүйн бөгж хүлээн авчээ. “People” сэтгүүлд бичсэнээр хос хоёр тавдугаар сарын 31-нд сүй тавьсан ч өчигдрийг хүртэл олон нийтээс нууцалж байжээ. Майли Сайрус сүйт залуу жүжигчин Лиам Хемсворттойгоо хоёр жилийн өмнө “Сүүлчийн дуу” кинонд хамтран тоглож байхдаа танилцсан юм.  Өсвөр насны жаахан охин байхаасаа олонд танигдаж, америкчуудын нүдний өмнө өсч том болсон Майлиг сүй тавьсанд баяртай байгаагаа түүний аав жүжигчин Билли Рэй Сайрус “Twitter” хуудсаараа мэдэгджээ.