Монгол орон даяар бүх үндэстэн, ястнуудын уламжлалт соёлын үнэт их өвийг хадгалах, хамгаалах, олон нийтэд түгээн сурталчлах, соёлын аялал жуулчлалыг хөгжүүлэх зорилгоор “МОНГОЛ ҮНДЭСНИЙ СОНГОДОГ ӨВ” уралдаант наадмыг 2 жилийн хугацаатайгаар зохион байгуулна.
Наадмын нээлтийг 2015 оны 8 дугаар сарын 23-24-ний өдрүүдэд Догшин ноён Хутагтын бүтээсэн анхны театрын буурь “ХАМАРЫН ХИЙД”-д ёслол төгөлдөр хийхээр төлөвлөж байна.
Тус арга хэмжээний хүрээнд 8-р сарын 24-ний 20.00-23.00 цагийн хооронд “Жонон”, “Хөсөгтөн”,”Домог”, “Их Монгол”, “Язгуур”, ардын урлагийн хамтлагууд, уртын дуучид, Нийслэлийн “Улаанбаатар чуулга”-ын бүжигчид, “Саран хөхөө” театрын уран бүтээлчид оролцсон “АРДЫН УРЛАГИЙН ТОГЛОЛТ” болох тул иргэд та бүхнийг өргөнөөр оролцохыг урьж байна.

Наадмын зохион байгуулагч
Төрийн шагналт, МУГЖ Д.Сосорбарам
Аймгийн Засаг даргын Тамгын газар

Хөх Туургатан Монгол Нийгэмлэг ТББ

Дэлгэрэнгүй мэдээллийг 70523122, 99022808 утсаар лавлана уу.
Жич: Үнэ төлбөргүй