Майра Лизбет Росалес яг хагас тонн жинтэй, орноосоо босох нь бүү хэл, чөлөөтэй хөдөлж чаддаггүй  байсан. Гэтэл одоо тэрээр өөрийгөө ялахын гайхамшгийг үзүүлэн 400 кг жингээ  хасаад байна.  Америк даяар түүнийг дэлхийн хамгийн тарган эмэгтэй гэдэг байлаа.

Ингээд тэрээр турахаар шийдэж 11 удаа мэс засал хийлгэн, хоолны дэглэм барьж, тусгай жороор хооллосны хүчинд 400 кг жин хасч амьдрах итгэл найдвартай золгоод байна.
“Би яг л үхэж байсан, Миний зургийг хар л даа.Аймшигтай байгаа биз. Одоо би дахиад 30 кг хасаххэрэгтэй байна” гэж тэрээр АВС-д өгсөн ярилцлагадаа дурджээ.

“Итгэл найдвараа хэзээ ч бүү алд, тэмцсээр л бай. Бидэнд ганцхан амьдрал л заяасан, түүнийхээ төлөө тэмцэх хэрэгтэй” гэж тэр бусдад зөвлөж байна.

2008 онд түүнийг өөрийн хоёр настай зээгээ өөхөөрөө дарж хөнөөсөн гэж буруутгаж байсныг уншигчид санаж байгаа. Майрагийн эгч Жейми Росалес хүүгээ түүнд харуулж орхисон гэдэг. Майра ч бяцхан хүүг дараад алчихсан гэж хүлээж байлаа.

Гэтэл жаал хүү зодуурын улмаас нас барсан болох нь илэрсэн. Уг нь Жеймиг хүүхдээ зодож байхыг хэн ч хараагүй. Гэхдээ тэр өдөр тэрээр хүүгээ үхтэл нь зодож орхиж. Эгчийгээ шоронд орохоос эмээсэн Майра бурууг өөр дээрээ хүлээж байсан ч цагдаагийнхан учрыг төдөлгүй олж Майраг буруугүй болохыг тогтоон хэрцгий Жейми Росалесыг, 15 жилээр шийтгэсэн байна.