Японы Осака, Хоккайдо, Тибагийн их сургуулийн эрдэмтдийн хамтарсан баг хүний биеийн хөгшрөлтийг зогсоох аргыг бараг л нээчихээд байгаа гэнэ. “Бид энэхүү нээлтээ олон нийтэд дэлгэж, хүний биед туршихад эрт байна гэдгээ илэрхийлэх нь зүйтэй. Гэхдээ хүн төрөлхтөний мөнхийн мөрөөдөл болсон хөгшрөлтийг зогсоох процесст нэг алхам ойртоод байна гэдгээ хэлэх нь зүй байх” хэмээн энэхүү эрдэм шинжилгээний ажлын удирдагч профессор Исей Комура хэлсэн байна. Эрдэмтдийн баг хүний бие махбодид байдаг нэг уураг нь хөгшрөлтийн процесст нөлөөлдөг юм байна гэдгийг баталжээ.
С1q хэмээх энэхүү уураг нь 2.5 настай хулганад хоёр сартай хулганыхаас тав дахин их байсан гэнэ. Гэхдээ одоог хүртэл энэхүү уургийг багасгах  аргыг нээж чадаагүй аж.