Одоогоос 26 жилийн өмнө буюу 1989 онд “Ирээдүй рүү буцсан нь” кино нээлтээ хийж, олны хүртээл болж байв. Тус кинон дээр гардаг нисдэг машин, хүний хөдөлмөр хөнгөвчилсөн технологи, ямар ч дугуйгүй таталцлын хууль давсан гулгадаг тавцан зэрэг нь 2015 оны аравдугаар сарын 21-ны өдөр бий болсноор гардаг юм. Тэгвэл автомашинууд нь нисч, агаар дээр тогтдог хавтангууд туршилтын шатанд бүтээгдэж байгаа ч өөрийгөө хатаадаг куртка, өөрийгөө үддэг “nike” брэндийн пүүз, жижигхэн пиццаг томруулж халаадаг шарагч, “5D” зураглал зэрэг олон зүйл бодит болсонгүй. Энэ киноноос ингэж ихийг хүлээх болсон нь мэдээж, тус киноны үзэгдчид болоод дэлхийг хамарсан цар хүрээ юм.Тэгвэл өнөөдрийн байдлаар “Nike” брэндийн пүүз бүтээж худалдаанд гаргасан ч үдээсээ автоматаар татдаггүй аж. Нисдэг машин болон хавтан хийх нь ойрын жилүүдэд юу л бол гэдгийг эрдэмтэд онцолж байгаа юм. Тэртээ 26 жилийн өмнө ирээдүйг зөгнөж хийсэн гэхэд дажгүй төсөөллөөр тухайн үед үзэгч олныг баярлуулж байсан бололтой. Энэхүү “Ирээдүй рүү буцсан нь” уран бүтээл бүх цаг үеийн үзэх ёстой кино жагсаалтын эхний 50-д багтжээ.