“Сүнс” киноны од Деми Мур охидтойгоо түнжин муутай байна. Тэрээр Эштон Кэтчерийг охин Таллюлагийнхаа төгсөлтийн баярт очихыг зөвшөөрөөгүй нь ээж охидын хооронд маргаан үүсгэжээ. Эштон Катчер Деми Мурыг хуурсан нь олонд илчлэгдсэний дараа алдарт хос гэр бүлээ цуцлуулна гэдгээ мэдэгдсэн. Гэхдээ одоо хүртэл Деми Мур шүүхэд албан ёсоор хандаагүй нь тэднийг эргээд нийлж ч магадгүй гэсэн таамаг дэвшүүлэхэд хүргээд байгаа юм. Гэхдээ Деми охиныхоо хонхны баярт Эштоныг очуулахгүй гэсэн нь гэр бүл, ойр дотныхоо хүмүүсийг гайхашруулжээ. “Деми яагаад хориглоод байгааг ойлгохгүй юм. Эштон охидуудтай нь хичнээн дотно байдаг билээ дээ” хэмээн түүний ойрын эх сурвалж RadarOnline.com-д ярьжээ.