18 насны төрсөн өдрөө өчигдөр тэмдэглэн өнгө­­­рүүлсэн “GUYS” хамт­лагийн гишүүн М.Мягмар фэйсбүүк хуудаснаа ийн бичжээ.
“1997 оны арван­нэгдүгээр сарын 16-нд СУИС-ийн кино драмын ангидаа дөрвөн хөвгүүн тойрч суугаад “GUYS 666” нэртэй хамтлаг байгуулснаар энэ түүх эхэлсэн билээ.

Үерхэлдээ үнэнч, он цагийг хамтдаа туулах анд шиг анд найз шиг найз хамтлаг шиг хамтаараа лаг байхыг мөрөөдөж байсан бид дөрвийн гэгээн хүсэл биеллээ оллоо. Арваннэгдүгээр сарын 16-ны 00:00 минутад бидний төрсөн өдөр эхэлснээр Австри улсын Вена хотод 200 сэтгэл хамтдаа жаргаж 200 зүрх хамтдаа цохилж бидний түүхийг хамтдаа бичилцэж, МАРТАГДАШГҮЙ дурсамжийг үлдээлээ.Тэртээх 1997 онд хамтлаг байгуулаад хамгийн анх “Сонсч бай” дууг бичүүлж гаргаад ХИТ болж байлаа. Хүн болгон амандаа“Юу болж байна энэ чинь, Яаж амьдрах юм бэ” гэж хэлдэг болсон цагаас бид ухрах замгүй урагшилсаар өнөөдрийг хүртэлх 18 жилийн түүхийг бүтээжээ. Тэртээх 1997 онд 17, 18-тай хүүхдүүд байхдаа л нийгмийн бодит байдлыг ингэж дуулж байж...
Одоо бид хүүхэд биш, Нийгэмдээ дуу хоолойгоо, өөрсдийн үзэл бодлоо дуулах, сайн сайханд уриалах үгтэй, дуутай эрчүүд... Үрс хойчисдоо сайн сайхныг үлдээх үүрэгтэй амьдралд бэлтгэгдсэн аавууд...