Мексикийн савангийн дуурийн од, “Баян хүнийг балаг тойрдоггүй” киноны гол дүрийн жүжигчин  Вероника Кастро өдгөө 60 настай ч хэзээ ч гэрлэж байгаагүй, ганц бие нэгэн. Ухаалаг, авьяаслаг, гоо сайхан энэ эмэгтэй байнга л найз нөхдөөр хүрээлүүлж байдаг ч хувийн амьдралаа цэгцэлж чадалгүй насны өндөрлөг дээр гараад байгаа нь энэ. Тэрээр Кристиана, Мишель гэдэг хоёр хүүхэдтэй.

Кристианагийн эцгийг мексикийн хошин шогийн жүжигчин, эстрадын дуучин Мануэль Вальдес гэдгийг олон нийт хэдэн жилийн өмнө мэдсэн.  Харин түүний бага хүүгийн эцэг хэн болохыг өнөө болтол хэн ч  мэдээгүй нууц хэвээр.

Ийм гоо сайхан, нэрд гарсан эмэгтэй яагаад нөхөрт гаралгүй ганцаар насыг элээж байна гэж гайхацгаадаг. Үүнд хариу болгон Вероника Кастро “Карьераа хөөх үү, хувийн амьдралаа юу гэсэн хоёр зам миний өмнө байсан. Би карьерийг нь сонгосон” гэсэн байдаг.