БНАСАУ-ын засгийн газарт хоёр дахь хүн хэмээн нэрлэгддэг, Солонгосын ардын армийн улстөрийн газрын дарга Хван Бён Со сураг алдраад байна хэмээн Өмнөд Солонгосын эрх баригчид сэтгэл түгшиж байгагаа илэрхийлсэн байна.
Өмнөдийн мэдээллийн Рёнхап агентлагийн мэдээлснэээр бол түүнийг 20 хоногийн туршид, Ким Чен Ун удирдагчийг цэргийн байгууламжуудаар зочлоход нь ч дурдахгүй байгаа гэнэ.
Хван Бён Со хамгийн сүүлд арваннэгдүгээр сарын 11-ний өдөр БНАСАУ-ын цэргийн зүтгэлтэн Ли Ыль Солийг оршуулах комиссын нэрсийн жагсаалтад байсан юм байна. Үүнээс хойш түүний сураг алдарч, хэвлэлээр ч гарахгүй байгаа гэнэ.
Умард Солонгос 2013 онд Улсыг батлан хамгаалах хорооны орлогч дарга, Ким Чен Уны авга Чан Сон Тхэкийг цаазалсны дараанаас БНАСАУ-ын эрх баригч, элитүүдийн талаар Өмнөд Солонгос онцгой анхаардаг болсон юм.