Хятадын нийслэл Бээжин хотод агаарын бохирдол дээд хэмжээндээ хүрсэн тул зарим сургуулийн хичээлийг хааж, өөрчлөхөд хүрсэн байна. Даваа гарагт Бээжин хотын захиргаа  агаарын бохирдлыг “улаан” буюу хамгийн дээд шатандаа хүрсэн гэж зарлаад агаар дахь хорт бодисын хэмжээ аюултай түвшинд хүрсэн гэж үзэн ард иргэдийг амны хаалтгүй гадаа гарахгүй байхыг анхааруулжээ.
Энэ хүнд нөхцөл байдал лавтай гурав хоног үргэлжилнэ гэж эрх баригчид үзэж байна. Хотын захиргаа албаны автомашинуудыг дугаараар нь тусгай хуваариар зорчих журам боловсруулж хязгаарлаж байгаа юм байна.