Энэтхэг улсын Ченнай хотод 4,6 сая хүн хүнд байдалтай байна. Тэд үерт автаж, хотоороо шахуу усанд автаад байгаа талаар “Риа Новости” агентлаг уламжиллаа. Бүх нийтийн арга хэмжээ, баяр ёслолыг цуцалсан бөгөөд гудамж талбайг цэвэрлэх ажил өрнөж, ус зайлуулж эхэлжээ.

Хүнд байдалд байгаа хотын иргэд төр засгаасаа тусламж гуйсан байна. Өнгөрсөн аравдугаар сараас өнөөдрийг хүртэл нийт үерийн гамшгаас болж 272 хүн амиа алдсан тоо бий. Харин 28 мянган хүн аврах ажиллагаанд хамрагдсан ч гэр оронгүй болсон олон сая хүн байгааг Ченнай хотын удирдлага хэллээ. Цэвэр усны гачигдалд ороход ойрхон байгааг холбогдох яамны төлөөлөгч нар хэвлэлээр мэдээлсэн юм. Гудамжинд хүмүүс картон цаас дэвсэн унтаж, цэвэр усгүй байгаа.
Олон улс орон тусламж илгээх талаар ярилцаж эхэлж. Өнөө маргаашгүй Дели хотод тусламжийн цуваа хүргэх талаар “Ройтерс” агентлаг мэдээллээ.