Беларусийн Минск хотноо Олон улсын дуурийн гоцлол дуулаачдийн уралдаан үргэлжилж байгаа билээ. Манай улсаас оролцож буй УДБЭТ-ын дуучин  Э.Анхбаяр, Х.Хүрэлбаатар нар шилдэг 10-т багтаж, Гран при шагналын төлөө өрсөлдөхөөр боллоо.

Уралдаанд 18 орны 280 гаруй уран бүтээлч  өрсөлдсөнөөс шилдэг 10 дуулаач гуравдугаар шатанд тунаад байгаа юм. Сүүлийн шатанд үлдсэн дуулаачид Минскийн дуурь, бүжгийн театрын шилдэг дуучидтай хамтран дуулах аж. УДБЭТ-ын дуучин Э.Анхбаяр тус театрын дуучин Е.Бунделеватай Ж.Верди “Травиата”, харин О.Хүрэлбаатар Д.Капиловтой хослон Ж.Россини “Севилийн үсчин” дуурийн  хэсгээс дуулах юм.  Манай дуучид өнөөдөр дуулна.  
Гран при шагналын эзэн 18-нд тодорч, шагналыг 10 мянган ам.доллар дагалдах юм.