Дэлхийн хоёрдугаар дайнаар Польшийг фашизмын дарлалаас чөлөөлсөн улаан армийн дайчдын шарил сүйтгэж хөшөө дурсгалыг нь нураадаг этгээдийг Польшийн Калиш хотод цагдаагийнхан саатуулан баривчилсан байна.
“Нийтдээ 11 шарилын хөшөөг нураасан байсан. Гэмт этгээд дахиад шарилын хөшөө сүйтгэх гэж байхад нь цагдаагийн эргүүл саатууллаа. Саатуулах үед гэмт этгээд түрэмгий загнаж, цагдаагийн өөдөөс эсэргүүцэл үзүүлэхээр дайрч, доромжилсон” гэж орон нутгийн цагдаагийн ажилтан Витольд Возняк мэдэгджээ.
Одоо цагдаагийн газарт саатуулан хориотой байгаа, тус хотын иргэн 37 настай этгээдэд одоо таван жил хорих ял нүүрлэж байна.
Калиш хотыг фашистуудаас чөлөлөх үеэр амь үрэгдсэн зөвлөлтийн 300 гаруй дайнчы шарил тус хотын оршуулгын газарт байдгийг сүйтгэж, хөшөө дурсгалыг нь эвдсэн тохиолдол ганц энэ биш. Хамгийн сүүлд улаан армийн дайчдын 18 шарилыг сүйтгэсэн 67 настай  эрэгтэйг хоёрдугаар сард саатуулсан юм.