Хамгийн сүүлд Хойд Солонгос 2015 оны хавар цөмийн пуужин туршиж үзсэн байдаг. Мөн 2006, 2009, 2012, 2015 онуудад тив алгасах пуужингийн туршилтаа бага багаар сайжруулсаар ирсэн. Саяхан Хойд Солонгосын төрийн мэдээллийн хэрэгслээр тус улс анхны устөрөгчийн бөмбөгөө амжилттай туршсан талаар мэдээллээ. Бүс нутгийн цагаар мягмар гарагийн өглөө 10.00 цагт туршилт хийгдсэн бололтой. Хүний үүсгэсэн ямар нэгэн газар хөдлөлтийн чичиргээг АНУ, Өмнөд Солонгос, Хятадын талууд мэдэрсэн талаар төрийн мэдлийн яам агентлагуудын сайтууд уламжилсан байна. АНУ-ын мэргэжилтнүүдийн тооцоолж байгаагаар дэлбэрэлтийн цэг Пунги Ри суурингаас 50 км зайнд, 10 км газрын гүнд байсан байна. Хойд Солонгосын дэглэм өнгөрсөн сард анх удаагаа устөрөгчийн бөмбөгтэй болсноо зарлаж, үүнийгээ өөрийгөө хамгаалах зэвсэг хэмээн нэрлэж байсан юм. Хэрэв тэдний туршилт амжилттай болсон бол далай тэнгисийн байлдаан явуулах боломжтой хүчирхэг улс орнуудын нэгт орж ирж байна. Мэдээж хэрэг үүнийг олон улсаас таатай хүлээн авахгүй л байх болов уу.