УДБЭТ-ын гадаад харилцаа, хамтын ажиллагааг өргөжүүлэх ажлын хүрээнд өнгөрсөн жил Ж.Верди ”Травиата” дуурийн тусгай тоглолтыг үзэгч олноо сонирхуулсан билээ. Уг бүтээлийг Монгол, Солонгос улсын хооронд дипломат харилцаа тогтоосны 25 жилийн ойд зориулан БНСУ-ын уран бүтээлчидтэй хамтран тоглосон. БНСУ-аас найруулагч Ан Ху Вон, удирдаач Рю Мон Ү, дуучин Жу Сан Хён /баритон/, Со Пил /тенор/, Шин Син А/сопрано/ нар уригдан ирсэн. Харин Монголын талаас УДБЭТ-ын гоцлол дуучин СТА Б.Эрдэнэтуяа, Ц.Арюна, СТА Ш.Наранчимэг, Б.Батжаргал, СТА Э.Анхбаяр, М.Даваадорж, Ч. Энхтайван, Б.Алтанхуяг, дуучин Э.Отгонбат, Г.Энхболд нар дуулж, УДБЭТ-ын симфони найрал хөгжим, найрал дуучид, балетын жүжигчид оролцон тоглосон билээ.