БНАСАУ цөмийн зэвсэг туршсаны  дараанаас Хятадын эрх баригчид хамгийн багаар бодоход 500 мэргэжилтнийг томилон бүтэн хоногийн туршид хүрээлэн байгаа орчны агаарт дүн шинжилгээ хийж байна гэж БНХАУ-ын Хүрээлэн байгаа орчныг хамгаалах удихдах газар мэдээлсэн байна.
БНАСАУ ус төрөгчийн бөмбөг туршсанаа энэ сарын 6-нд албан ёсоор мэдээлсний дараа  БНХАУ ялангуяа зүүн хилийн бүс, БНАСАУ-тай хиллэдэг нутгуудаа онцгой анхаарч агаарын хяналт шинжилгээ хийж эхэлжээ.
Хятадын байгаль орчин, химийн 500 орчим мэргэжилтэн суурин 37, явуулын 14 станц ашиглан Зилин, Ляонин, Хэйлунзян, Шаньдун, нийслэл Бээжин хотын агаар, цас, элснээс  дээж аван шинжилж байна. Шинжилгээний багуудаас ирж байгаа мэдээллээр бол одоохондоо цацраг идэвхит бодисын бохирдол илрээгүй гэнэ.
БНАСАУ устөрөгчийн бөмбөг туршсантай холбогдуулан НҮБ-ын Аюулгүйн зөвлөл хуралдаж тус улсын эсрэг шинэ хориг тавих нь зүйтэй хэмээн гишүүн  15 гишүүн орон санал нэгтэй шийдвэрлээд байгаа юм.