Кубын Гуантанамо буланд байрлах АНУ-ын цэргийн шоронг яаралтай хаахыг шаардсан хүмүүс Вашингтон хотод жагсчээ. Уг шоронд терроризмын сэжигтнүүдийг хорьдог байна.

Уг шоронд гадаадын хоригдлуудыг анх авчирсны 14 жилийн ой өчигдөр тохиосон байна. Хүний эрхийн төлөө тэмцэгчид голдуу 100 орчим хүн Цагаан ордны өмнө жагсчээ.

Шоронг аль болох ойрын хугацаанд хаана гэсэн амлалтаа биелүүлэхийг жагсагчид Обамагаас шаарджээ.

2001 оны есдүгээр сарын 11-нд АНУ-д болсон халдлагын дараа Гуантанамогийн шоронд террорист халдлагад сэжиглэгдсэн 800 орчим хүнийг хорьж байсан бол одоо 103 хүн хоригдож байна.

Хүний эрхийг ноцтой зөрчиж байна гэсэн олон улсын шүүмжлэлд өртсөн уг хорих байгууламжийг хаах зарлигийг Обама 2009 онд гаргасан боловч хоригдлуудыг АНУ руу шилжүүлэх тус улсын Засгийн газрын төлөвлөгөөг Бүгд найрамдах намынхан эсэргүүцэж байгаагийн улмаас шоронг хаах төлөвгүй байна.