ОХУ-ын нийслэл Москва хотноо барилгын “Мон-Компани” фирмийн ажилтан Александр Величко өөрийн  удирдлага Анатолий Яковин, Николай Чалы нартай муудалцаж ажлаас халсны нь төлөө тэр хоёрыг буудан хороосон хэрэг гарсан байна.
Ажлаас халагдсаныхаа дараа даваа гаригийн өглөө гэмт хэрэгтэн удирдлагатайгаа уулзахаар цаг товлоод өрөөнд нь орж очмогцоо “Сайга” маркийн буугаар буудаж амийг нь хөнөөжээ.
Гэмт  хэрэгтнийг хэрэг үйлдсэний нь дараа машиныхаа арын суудал дээр “Сайга” буугаа тавьчихаад явж байхад нь саатуулсан байна.
Батлагдаагүй эх сурвалжаас үзэхэд тэд өөр зуураа компанийн хөрөнгө завшсан асуудлаас болж маргалдан Величког ажлаас нь халсан гэнэ.
1995 онд байгуулагдсан Мон-Компани” фирм нь барилга угсралтын ажил, эрэг орчмыг зүлэгжүүлэг, ус хангамжийн байгууламж засварлах ажил гүйцэтгэж 2003 оноос Москва хотын засгийн газрын захиалга биелүүлж ирсэн, зөвхөн өнгөрсөн 2015 онд гэхэд л нийт 66 сая рублийн өртөгтэй дөрвөн ч тендер авсан аж ахуйн нэгж юм байна.