Пакистаны Чарсадда хот дахь Бача Хан их сургууль руу үл мэдэгдэх зэвсэгт этгээдүүд дайран орж гал нээн бөмбөг дэлбэлсний улмаас тухайн үед 3000 гаруй оюутан байсан энэ газарт 25 хүн амь үрэгдээд байна гэж Dawn хэвлэл мэдээлжээ.

Рейтер агентлаг сургууль дотор амь үрэгдсэн, шархадсан хүн олон байна гэж мэдээлж байна. Сургуулиас зугтааж гарсан нэгэн оюутан алан хядагчид түүний нүдэн дээр 60 гаруй хүнийг толгой руу нь хороосон буудан гэж хэлжээ.
Харин Пакистаны мэдээллийн сайд Шауката Юсуфзая болохоор 25 хүн амь үрэгдэж 50 хүн шархадсан гэж албан ёсоор мэдэгдээд байна.

Зэвсэгт халдлагын хариуцлагыг алан хядагч “Талибан” хөдөлгөөний  "Техрик-и-Талибан Пакистан" гэдэг жигүүр үйлдсэнээ хүлээсэн байна. Сургуулийг  засгийн газрын цэрэг чөлөөлөх үеэр зэвсэгт бүлэглэлийн дөрвөн ч хүнийг устгажээ.

Зэвсэгт энэ халдлага пакистаны Пешавар хотын дунд сургууль руу “Талибан” хөдөлгөөний зэвсэгтд дайчид дайрч 130 гаруй сурагчийн амийг хөнөөсний яг нэг жилийн ойн дээр болж байна.