Умард Солонгосыг энэ сарын эхээр ус төрөгчийн бөамбөг туршсан, туршаагүй гэсэн баримтууд үргэлжилсээр байгаа. БНАСАУ өөрсдөө энэ сарын 6-нд устөрөгчийн бөмбөг амжилттай туршлаа гэж албан мэдээ тараасан төдийгүй удирдагч Ким Чен Ун нь  энэ ажилд оролцсон эрдэмтдпийг шагнаж урамшуулсан. Харин Япон энэ мэдээллийг үгүйсгэж БНАСАУ устөрөгчийн бөмбөг туршаагүй гэж мэдээлсэн юм.
Харин Америкийн тагнуулын байгууллага судалж үзсэний үндсэн дээр БНАСАУ үнэхээр устөрөгчийн бөмбөг туршжээ, гэхдээ энэ нь амжилтгүй болсон байна гэсэн дүгнэлт хийсэн байна.

CNN-ийн мэдээлснээр бол нэрээ хэлээгүй түшмэл нэгдүгээр сарын 6-нд БНАСАУ устөрөгчийн бөмбөг туршсан гэсэн мэдээллийн мөрөөр агаар мандлаас дээж аван нягталж тестээр шалгахад тэнд үнэхээр ийм бөмбөг туршсан нь батлагдсан гэжээ. Харин энэ туршилт амжилтгүй болсон гэж тэр мэдэгдсэн байна.

БНАСАУ өөрийнхөө мэдээлэлд устөрөгчийн бөмбөг туршсан нь амжилттай болсон гээд өөрийн нь улсын тусгаар тогтнолд дайсагнаагүй нөхцөлд цөмийн зэвсэг хэрэглэхгүй гэж мэдэгдсэн юм.