“Хоёр дахь Ганнибал Лектор” хэмээн нэрийдсэн онц аюултай  гэмт хэрэгтнийг, хоёр хамтрагчтайгаа шоронгоос оргоход шоронд англи хэл заадаг багш эмэгтэй тусалсан байна гэж америйкийн хууль сахиулагчид тогтоон түүнийг саатуулан шалгаж эхэлжээ.
Тэрээр хоригдлуудад хичээл заах үеэрээ гэмт хэрэгтэнтэй дотносоод зугтах төлөвлөгөө боловсруулах, ойр орчмын газрын зураг сэлт олж өгч тусалсан гэж сэжиглэж байгаа юм байна. Харин эмэгтэй үүнийг няцааж байгаа гэнэ.

Хүн хулгайлж, зэрлэгээр тамласан хэргийн төлөө шүүгдэх гэж байгаа “Хоёр дахь Ганнибал Лектор” хочтой 37 настай онц хэрцгий гэмт хэрэгтэн Хусейн Найеритай хамт, хүн амины хэрэгтэй 43 настай Бак Доунг, 20 настай Жонатан Тье нар хамт оргосон юм.