Их Британийн 80 настай иргэн Уолтер Эллиот өөрийнхөө байшингийн дээврийн хонгилыг янзалж байгаад алдарт мөрдөгч Шерлок Холмсын тухай өгүүллэгүүдийн нэн ховор  түүвэр зохиол олсон байна. Уолтер энэ түүврийг 50 жилийн өмнө нутгийн нэгэн яармаг дээрээс худалдаж авч байсан ч дээврийн хөндийд мартсан нь  өнөөдөр асар үнэ цэнтэй болоод байгаа юм. Хэргийн учир нь энэ түүврийг 1902 онд хэвлэж буяны үйлст зориулан худалдаалсан  юм байна.

Номыг зохиогчгүйгээр хэвлэсэн ч мэргэжилтнүүд түүвэрт орсон өгүүллэгүүд юутай ч Артур Конан Дойлийнх мөн гэж үзэж байна.  Ном хэвлүүлэх, худалдаалах буяны ажиллагаа зохион байгуулагчдын нэрс дунд нэрт зохиолчийн нэр байгаагаас тэд ингэж үзжээ.
                   
Энэ ховор олдворыг ойрын үед Селкерк хотод болох үзэсгэлэнд тавьж олон нийтэд дэлгэн үзүүлэхээр төлөвлөж байгаа гэнэ.