Украины Ерөнхий сайд асан Юлия Тимошенко үсээ сүлжиж, толгойгоо ороодог хуучин имижээ өөрчлөн үсээ задгай тавин залуу төрхөөр хувцаслан Дээд Радагийн чуулганд оролцдог болжээ.

1960 оны арваннэгдүгээр сард төрсөн тэрээр 2004 оноос Ющенкогийн хамт “Улбар шар хувьсгал” эхлүүлэн улс төрд орж ерөнхий сайдын орлогч, Ерөнхий сайдын алба хашиж байсан. 2011 онд Януковичийн засаглалын үед Оростой байгалийн хий нийлүүлэх гэрээний хэргээр яллуулж 7 жилийн ял аваад 2014 оны хоёрдугаар сард суллагдсан. Тэр ондоо Украины ерөнхийлөгчийн сонгуульд нэр дэвшиж хоёрдугаарт орж байсан. Одоо Украины парламент Дээд Радагийн гишүүн.