БНАСАУ-ын боловсруулсан Сансар судлалын талаарх таван жилийн төлөвлөгөө  нь энэ орны ойрын үеийн ажлын үндсэн чиглэл, стратегийн чухал баримт бичиг болж байна гэж Умадын удирдагч Ким Чен Ун «Кванмёнсон-4» зөөгч пуужин бүтээхээр ажиллаж байгаа хэсэг эрдэмтэн мэргэжилтнийг шагнах үеэрээ хэлсэн байна. Энэ төсөл дээр ажиллаж байгаа гол гол мэргэжилтнүүдийг тэрээр БНАСАУ-ын баатар цолоор шагнаж “Алх хадуур” алтан медаль, Төрийн далбааны нэгдүгээр зэргийн одонгоор шагнажээ.
Ким Чен Уныхаар бол умард солонгосын ард түмэн дайсагнагч хүчин болоод, БНАСАУ-ын тусгаар тогтнолд халдсан түрэмгий дайны өмнө улам нэгдэн нягтрах ёстой гэнэ.
Энэ оны эхний хоёр сард тус улс цөмийн зэвсэг туршиж, сансарт пуужин хөөргөсөн нь  дэлхий нийтийн зүгээс эсэргүүцэлтэй тулгарч байгаа ч тус улс энэ бүхнийгээ улсынхаа тусгаар тогтнолыг хамгаалахын төлөө хийж байгаа гэж тайлбарласаар байгаа юм.