Улсын дуурь бүжгийн эрдмийн театрын энэ сарын үзвэрийн хаалтын тоглолт “Хунт нуур” балет байх нь.  Москвагийн их театрын тайзнаа 1877 онд анхлан Бегичев Владимир Петрович тавьж сонгодог, тэр дундаа балетын урлаг дөнгөж хөгжиж байсан Монголын тайзнаа 1975 онд анх балетмейстр Б.Жамъяндагвын дэглэлтээр тавигдсан түүхтэй. Ийн Монголын театрын тайзнаа 41 дэх жилдээ тоглогдож буй П.И.Чайковскийн сонгодог бүтээлүүдийн ноён оргилын нэг “Хунт нуур” балет энэ амралтын өдрүүдээр УДБЭТ-ын тайзнаа хоёр удаа тоглогдоно.

Гурван бүлэг, дөрвөн үзэгдэл бүхий үзэсгэлэнт гүнж Одеттын тухай өгүүлэх уг бүжгэн жүжгээ П.И.Чайковский Германы эртний нэгэн домгоос сэдэвлэн 1855 онд бичиж дуусгажээ. Одетта эмгэнэлт хувь заяаны эзэн хэдий ч төгс төгөлдөр хайр дурлалын бэлгэдэл юм. Судлаачид “Хунт нуур” балетыг XIX зууны романтик балетын бүхий л элементийг цогцлоосон гэж үздэг бөгөөд XX зууны театрын хөгжлийг тодорхойлогч хэмээдэг. Тус  балетын тасалбарыг monda.mn сайтаар захиалах боломжтой.