Оскарын шагналд зургаан удаа нэр дэвшээд өнөө хүрэл энэ хүндтэй шагналыг  хүртэж амжаагүй яваа холливудын нэрт жүжигчин, өөрсдийн шүтээн Леонардо ди Каприод зориулж якутчууд өөрийн гэсэн мөнгөн “Оскар” бэлтгэхээр шийдвэрлэжээ.

“Оскар”-ын мөнгөн баримлыг бүтээхийн тулд тус улсын 144 иргэн өөрсдийн мөнгөн эдлэл, гоёл чимэглэлийг хандивласнаар энэ шагнал ойрын үед бэлэн болох гэнэ.  Жүжигчинд өгөх 30 см өндөртэй цул мөнгөн “Оскар” нь  гартаа якут үндэсний сав чорон /нэг төрлийн цом/ барьсан байх юм байна. “Энэ арга хэмжээ якутын иргэд холливудын жүжигчинд хэр хайртай, түүнийг хэрхэн бишрэн шүтдэгийн илэрхийлэл болно. Тэрээр Оскарын шагналд зургаан удаа нэр дэвшсэн ч өнөө болтол хүртэж чадаагүй. Ийм болохоор бид өөрсдөө түүнд өөрийн гэсэн ийм шагнал хүртээхээр шийдсэн юм” гэж зохион байгуулагчид нь ярьжээ.

Леонардо Ди Каприо энэ онд найруулагч Алехандро Гонсалеса Иньярритугийн “Амьд гарсан нь” киононы гол дүрээр бас “Оскарын” шагналд нэр дэвшээд байгаа юм.