Өнгөрсөн жил хоёр сарын турш дэлгэцнээ хамгийн олон үзэгчтэй байсан “Содура” уран сайхны киноны талаар одоо ч гэсэн хүмүүс ярьдаг. Цаатан ардын үнэт соёл, байгаль дэлхийгээ хайрлах, үнэт зүйлсээ авч үлдэх зэрэг олон үзлийг бусдад өгсөн сайн бүтээл болсон гэх нь ч бий. Үзэгч олноос урмын үг харамгүй сонссон эл бүтээлийг өчигдөр Каннын кино наадамд оролцуулахаар явуулсан байна. Найруулагч Б.Жаргалсайхан, зохиолч С.Сумъяа, О.Эрдэнэ болон чадварлаг жүжигчдийн гайхалтай нэгдлийн дүнд бүтсэн эл бүтээлийг үзсэн хүмүүс нүдэндээ нулимстай, сэтгэлдээ нэгийг бодсоор кино театраас гарцгааж байсан гэдэг. Тиймдээ ч Каннын кино наадмаас юм дуулгана хэмээн кино сонирхогчид өөр хоорондоо мөрий хүртэл тавьж байгаа сурагтай.
Ямартай ч тавдугаар сард болох наадмыг хүлээх л үлдлээ.