Б.БААТАР

Багдад хотод бөмбөг дэлбэрч 28 хүн амиа алдсан байна. Лалын ахан дүүс хөдөлгөөн, Лалын дайчид өөрсдийн хийсэн хэрэг хэмээн хүлээж буйгаа албан ёсоор мэдэгджээ. Дэлбэрэлт Багдад хотын зах дээр болж, түүнд энгийн иргэд өртсөн юм. Захын хаалганы хажууд бөмбөг хоёр удаа дэлбэрч, үүнээс үүдэн 28 хүн амиа алдсан харамсалтай хэргийг хотын цагдаагийн албаныхан мөрдөж байсан ч төд удалгүй Лалын дайчид хэргээ хүлээсэн байна. Энэ үеэр нийт 71 хүн гэмтэж, бэртсэн аж. Харин амиа алдсан хүмүүсийн ихэнх нь эрэгтэйчүүд байжээ. Багдад хотод сүүлийн үед террорист халдлага ихээр гарах болсон юм. Үүнийг ажиглагчид Лалын дайчид Сирийн газар нутгаас хөөгдөн Ирак руу орж байгаагийн нэг илрэл гэж тайлбарласан. Зарим эх сурвалж ч ингэж үзэж буйгаа илэрхийлэх болсон. Иракийн Засгийн газар АНУ-тай хамтран аюулгүй байдалдаа анхаарч байгаа ч Америкийн цэрэг армийн тусламж хэрэгтэй байгаагийн нэг жишээ гэх нь байна.