ЗХУ-ын Ардын жүжигчин Армен Жигарханян өөрийнхөө 80 насны ойн босгон дээр хоёр дахь эхнэрээсээ албан ёсоор салж  34 настай украин бүсгүй Виталина Цымбалюк-Романовскийтэй гэрлэсэн байна.
Виталина олон жилийн турш Армен Борисовичийн туслах байгаад одоо Москвагийн драмын театрын ерөнхий захирал хийж байгаа жүжигчин юм.
Тэд бүр Виталинаг 13 настай байхад уулзаж, түүнээс хойш Жигарханян түүнтэй ямагт хамт байхыг эрмэлзсээр иржээ. 2008 онд Жигарханян ирээдүйн сүйт бүсгүйгээ “Али Баба, дөчин дээрэмчин” жүжгийн концертмейстрээр урьж байсан гэнэ.
Цымбалюк-Романовскийг театрын удирдлагаар очиход жүжигчин Андрей Мерзликин, Стас Дужников нар эсэргүүцлээ илэрхийлэн эндээс халагдаж байжээ. Тэд ердөө л энэ бүсгүй Жигарханянд муугаар нөлөөлнө гэж үзэж. Зарим нь бүр жүжигчний хуучин эхнэрийн нэрээр “Татьяна Сергеевна Власовагийн нам” гэж байгуулан Романовскийд дайн зарлаж байжээ. Жигарханян сүүлийн зургаан жилд  эхнэртэйгээ бараг уулзаагүй гэнэ.


“80 наслахдаа хамгийн гол нь хоёул хамт байх ёстой юм байна гэж ойлголоо. Аркадий Райкин яаж нас барлаа даа. Түүнд эм байсан уу, байсан, гэхдээ л дэргэд нь хэн ч байгаагүй. Тэгэхээр хэн чамайг хайрлаж байна, түүнтэй хамт бай” гэж Жигарханян хэлжээ.

Тэр бас “бид  бие биенээ ойлгоно гэж найдаж байна. Ийм үед насны ялгаа хамаагүй” гэж хэлсэн байна.