БНХАУ-ын барилга, хот байгуулалтын салбарт 21-р зууны эхнээс сонин, хачин дүрстэй этгээд байшин барилгууд олноор баригдах болсон. Өөрийн гэсэн өвөрмөц байдалтай байшингуудын чанарын асуудал сүүлийн хэдэн сар яригдах болов.

Тиймээс өчигдрөөс эхлээд БНХАУ-ын хувьд хачин, этгээд барилга байшингуудыг барихыг хориглосон тухай эх сурвалжууд мэдээллэх болов. Улсын зүгээс гадаад үзэмж гэхээс илүүтэй байшингийн чанар яригдаж эхэлсэн үйл явдал хэвлэлийнхэний анхаарлыг татаж байна. Сонин содон байшин барилгууд нь жуулчдын анхаарлыг татаж байгаа нь мэдээж.

Гэхдээ олон хөгжилтэй хотуудын хувьд энэхүү шийдвэртэй сөргөлдөх нь ойлгомжтой юм. Орчин цагт байшин барилга аль болох өвөрмөц, содон байх нь хотын хөгжилд хамаардаг болсон цаг. Гэтэл уран сэтгэгчид, барилгын инженерүүдийн уран бүтээлийг ийнхүү хааж болохгүй гэх ч хүмүүс БНХАУ-д байгааг Синьхуа агентлаг мэдээллээ.