Даваа гарагаас эхлэхээр төлөвлөсөн  АНУ, Өмнөд Солонгосын хамтарсан цэргийн сургууль нь Умард Солонгосын аюулгүй байдалд заналхийлж, аюул учруулах юм бол БНАСАУ эхлээд цөмийн цохилт өгөх болно гэж тус улсын Батлан хамгаалах хорооны мэдэгдэлд дурдсан байна.
“Цөмийн урьдчилсан цохилт өгөхөөр Солонгосын ардын армийн дээд удирдлага шийдвэрлэсэн нь шударга ёсонд нийцнэ” гэж Солонгосын мэдээллийн төв агентлаг ЦТАК дамжуулжээ.
АНУ, Өмнөд Солонгосын хамтарсан хээрийн сургуульд Пентагон В-2,  Northrop B-2 Spirit бөмбөгдөгч онгоц болон стратегийн бусад зэвсэглэлүүдээ Солонгосын хойг руу илгээж байгаа юм. Хамтарсан сургуульд америкийн 15, Өмнөд Солонгосын 300 мянган цэрэг оролцох юм байна.
Энэ хээрийн сургууль болох гэж байгаатай холбогдуулан Пеньян бас Вашингтон, Сөүлийн аюулаас хамгаалах хариу төлөвлөгөө бэлтгэжээ.
“Манай цэргийн дээд удирдлагын түвшинд Өмнөд Солонгосыг чөлөөлөх, АНУ-ын нутагт цохилт өгөх өөрийн гэсэн төлөвлөгөө бий” гэж БНАСАУ-ын энэ мэдэгдэлд дурдсан байна.