Умард Солонгос бага тусгалын хоёр балластик пуужин Япон тэнгисийн зүг харвалаа гэж Өмнөд Солонгосын Штабын дарга нарын хороо мэдэгдсэнийг Ренхап агентлаг дамжууллаа. Өмнөд Солонгосны цэргийнхний мэдээлснээр бол умардын Хванхэ-Пукто мужийн нутгаас харвасан пуужин 500 орчим км нисээд зүүн нутгийн боомт хот Вонсанаас зүүн өмнө зүгт усанд унасан байна.
“Нөхцөл байдыг манай цэргийнхэн хянаж, БНАСАУ-ын зүгээс ирэх ямар нэг өдөөн хатгалгын эсрэг хариу өгөхөд бэлэн байна” гэж Өмнөд Солонгосын цэргийнхний мэдэгдэлд дурджээ.
Цөмийн зэвсэг туршсаны нь төлөө, цөмийн зэвсэг тээвэрлэхэд зориулсан зөөгч пуужин хөөргөж байгаагийн нь төлөө НҮБ-ын Аюулгүй байдлын зөвлөл БНАСАУ-ын эсрэг хатуу хориг тавиад байгаа юм.
Харин Умард Солонгосын удирдагч Ким Чен Ун АНУ, Өмнөд Солонгосын хамтарсан цэргийн сургууль эхэлж байгаатай холбогдуулан энэ хоёр улсын эсрэг цөмийн зэвсэг хэрэглэхэд бэлэн, манай улс балластик пуужингаар хөөргөх бага оврын цөмийн зэвсэгтэй гэж мэдэгдээд байна.