Хэрвээ манайх устөрөгчийн бөмбөгөө  тив алгасах пуужинд сууриллуулан хөөргөж чадвал Нью-Йоркийн Манхэттенийг газрын хөрснөөс арчиж бүх хүнийг нь хөнөөж, хотыг  нурам болтол нь  шатаана гэж Умард Солонгосын мэргэжилтэн хэлсэн байна. Эрдэмтэд бас умардын бүтээсэн бөмбөг нь Зөвлөлт холбоот улсад хийсэн бөмбөгөөс ч давна гэжээ.
“Манай устөрөгчийн бөмбөг хуучин ЗХУ-д бүтээсэн бөмбөгөөс ч том” гэж тэр тэмдэглэсэн байна.
Сүүлийн үед Сөүлийн хамтарсан цэргийн сургуулиас болоод Умард Солонгос, АНУ-ын харилцаа Вашингтон, хурцдаж Пеньяны зүгээс удаа дараа өдөөн хатгасан мэдэгдэл хийх болоод байгаа юм. БНАСАУ-ын удирдагч Ким Чен Ун үүний өмнө “Хэрэв газар нутгийн нь бүрэн бүтэн байдалд халдах юм бол Вашингтон, Сөүлд урьдчилсан цохилт өгөх нь шударга ёсонд нийцнэ” гэж мэдпэгдсэн юм.
Умард Солонгос балластик пуужин туршсан ыдараа НҮБ-ын Аюулгүйн зөвлөл энэ гуравдугаар сарын 2-нд БНАСАУ-ын эсрэг шинэ хориг тавьж энэ улсад нисэхийн болон пуужингийн түлш оруулах, гаргахыг хориглосон юм.