ОХУ-ын нийслэл Москва хотноо Батлан хамгаах яамын барилгад гал гарч нийтдээ 3500 хавтгай дөрвөлжин метр талбай хамарчээ. Гуравдугаар давхрын хуучин корпусаас  эхэлсэн түймэр дорхноо газар авч, гал сөнөөгчид нөхцөл байдлыг хянаж чадахгүйд хүрсэн байна.

Халуун цэгт онцгой байдлын алба, гал сөнөөгчид ажиллаж байгаа ч ОХУ-ын БХЯ-ны хэвлэлийн алба энэ түймэр яамны үйл ажиллагаанд нөлөөлөхгүй, ажил хэвийн үргэлжилнэ гэсэн байна.

Түймэр цахилгааны богино холбоо үүссэнээс гарсан байж болзошгүй хэмээн урьдчилсан дүгнэлт хийгээд байгаа ч эцсинй дүгнэлт гаргахаар шинжээчид ажиллаж байгаа юм байна. Түймрийн улмаас байшингаас 50 орчим хүнийг нүүлгэн шилжүүлжээ.