“Жангар” Монголын анхны 3D хүүхэлдэйн кино хийгдэж байгаа тухай бид өмнө нь мэдээлсэн. Тэгвэл тус хүүхэлдэйн кино үзэгчдийн хүртээл болоход бэлэн болж, энэ сарын 16-нд Улаанбаатар, 21-нд БНХАУ-ын Бээжин, ирэх сарын нэгэнд Буриадын Улаан-Үүд, 10-нд Халимагийн Элст хотод тус тус нээлтээ хийхээр болжээ.
“Жангар” туулиас сэдэвлэсэн 104 ангит тус хүүхэлдэйн кино “Жангар” төслийн хүрээнд хийгдэж байгаа аж. Түүнчлэн төсөлд “ЖАНГАР” дууны цомог /8-10 дуунаас бүтсэн цуврал цомог/, видео тоглоом, хүүхдийн цуврал нэвтрүүлэг, цуврал зурагт ном /комикс/, боть ном, жүжиг,  туулийг сэргээх аян гээд олон ажил хийгдэхээс “Жангар” нэвтрүүлгийн зураг авалт үргэлжилж байгаа юм.