Умард Солонгосын нэгэн зоогийн газрын 13 ажилчин бөөнөөрөө Өмнөд Солонгос руу зугтаж  ирлээ гэж БНСУ-ын Хоёр Солонгосын нэгдэх асуудлаарх яам сэтгүүлчдэд зориулсан хэвлэлийн бага хурал дээр зарлалаа.
Умардын ажилчид ингэж бөөнөөрөө дүрвэх болсон нь БНАСАУ-ын эрх баригчдын дарамт шахалт гадаадад ажиллаж байгаа өөрийн хүмүүсийг бүхий л цалингаа Эх орноодоо илгээ гэж шаарддагаас болсон гэжээ.
Өмнөд Солонгос руу гараад тэндээсээ гурав дахь орноод зугтах бодолтой байгаа зоогийн газрын менежер нэгэн эрэгтэй, 12 эмэгтэй ажилчны нэрийг энд дурдаагүй байна.
“Ажилчид Өмнөд Солонгосын тухай бодит үнэнийг телевизийн нэвтрүүлэг, савангийн дуурь, кино, интернетээс олж мэдсэн байна” гэж яамны төлөөлөгч мэдэгджээ. Тэр бас энэ хүмүүс хот дамжин яваад ихэд ядарсан байгаа, манай засгийн газар тэдэнд хүмүүнлэгийн туслалцаа үзүүлж байгаа гэсэн байна. Умард Солонгосоос ингэж хүмүүс бөөнөөрөө зугтааж гарсан нь анхны тохиолдол юм байна.