Испанийн Саламанка хотын Гэгээн Иеронимын сүмийн нүүрэн талд сансрын нисэгчийн өмсгөлтэй хүний товгор дүрс бий. Уран барилгын гайхамшигт дурсгал болсон энэ сүмийг 1513 оноос 1733 оны хооронд барьсан гэхээр, сансарт анхны хүн 1961 онд ниссэн гэж хатуу итгэлтэй байдаг бид юу гэж ойлгох вэ.
Дундад зуунд хүн сансарт ниссэн хэрэг үү, эсвэл тэр үед хүн төрөлхтөн сансрыг эзэмших мөрөөдөлтэй байсан уу. Юутай ч сансрын ниэсгчийн хувцас, ботинк бүхий хүний дүрс дундад зууны уран барилгын нэгэн чимэг болсоор байна.

Хэргийн гол учир нь хуучны энэ сүмийн нүүрэн талд 1992 онд засвар хийж шинэчлэхдээ сансрын нисэгчийн дүрсийг шинээр товойлгон дүрсэлжээ. Энэ нь зүгээр ч нэг шоглол биш, харин олон жилээр тогтсон уламжлал юм байна. Сүмд засвар хийх бүртээ тухайн засвар хийсэн үеийнхээ үйл явдлын ямар нэгэн дүрс элементийг ханан дээр нь  үрсэлж үлдээдэг уламжлалтай юм гэнэ. Тийм л учраас ХХ зуунд засвар хийсний баримт нь сансрын нисэгчийн энэ дүрс байх нь.