Пеньян АНУ-ын Номхон далайн эрэг хүрэх чадалтай KN-08 юм уу KN-14 загварын балластик пуужин хөөргөхөөр бэлтгэж байгааг америкийн тагнуулын хиймэл дагуул илрүүлсэн байна хэмээн тагнуулын эх сурвалжаас авснаа CNN телевиз  мэдээллээ.
Мөн Гуамын арал, Аляскийн хойг хүрэх чадалтай “Мусудан” маягийн пуужин ч хөөргөж мэдэх юм гэж энд өгүүлсэн байна.

Пеньян үүний өмнө Америкийн эрэг хүрэх тив хоорондын балластик пуужингийн хөдөлгүүр туршсан нь амжилттай болсон юм.Энэ туршилтыг удирдпагч Ким Чен Ун өөрөө биечлэн удирдсан юм.

Нэгдүгээр сарын 6-нд Умард Солонгос дөрөвдэх удаагаа цөмийн зэвсэг туршсан бол хоёрдугаар сарын 7-нд, цөмийн зэвсэг тээн 12 мянган км хөөрч чадах пуужин  туршсанаар Солонгосын хойгийн байдал улам хурцдаад байгаа юм.
Үүнтэй холбогдуулан Умард Солонгост нисэхийн болон пуужингийн түлш, ердийн зэвсэг нийлүүлэх, мөн тус улсаас нүүрс, алт, титан, газрын ховор элемент гадаадад гаргахыг НҮБ-ын Аюулгүйн зөвлөл өнгөрсөн гуравдугаар сарын 2-ноос хориглосон юм.