Ням гарагийн өглөөгүүр латин америкийн Эквадор улсын эрэг орчмын Манаби мужийн Педерналес хотын орчим 7,8 магнитудын хүчтэй газар хөдөлж 233 хүн амь алдаж, 600 орчим хүн бэртэж гэмтсэн аюул болжээ.

Эквадорын Геофиикийн хүрээлэнгийн мэдээлж байгаагаар бол газар хөдлөлийн төв нь газрын гүний 20 км-т байсан гэнэ.
Номхон далайн эрэг ормын хот суурин ихээхэн гэмтэж зам гүүр эвдрэн олон тооны барилга бүрэн нурж, цахилгаан дамжуулах шугамууд гэмтсэнээс гэрэл цахилгаан тасарчээ.

Газар хөдөлсөн бүс рүү Засгийн газар хэдэн мянган цэрэг цагдаа, нүүдлийн эмнэлэг  илгээгээд байна.

Эквадорын ерөнхийлөгч Рафаэль Корреа ард түмэндээ улс төрйин санал зөрөлдөөнөө орхиж гамшиг ослын үед эв нэгдэлтэй байж, осол аюулын үр дагаврыг арилгахын төлөө хамтран хөдөлмөрлөхийг уриалжээ. Рафаэль Корреа Итали улсад айлчилж байгаа ч айлчлалаа түр орхиод эх орон руугаа буцсан байна.