“Оросын гоо бүсгүй-2016” үндэсний тэмцээний төгсгөлийн шатанд тус улсын 50 сайхан бүсгүй өрсөлдсөнөөс тэргүүн байрыг Тюмен нутгийн  Яна Добровольская эзэлж алмаз, сувдаар чимиглэсэн цагаан алтан титмийн эзэн боллоо. Тэргүүн байрны шагналыг 2015 оны гоо бүсгүй Софии Никитчук гардуулан өгсөн байна.

Добровольская үүний зэрэгцээ 3,0 сая рубль, автомашины эзэн болж “Дэлхийн гоо бүсгүй” тэмцээнд оролцох эрхээр шагнуулж байгаа юм.
18 настай Яна 174 см өндөртэй,  85-62-88 гэсэн биеийн харьцаатай, 12 жилийн турш цэнгээнт бүжгээр хичээллэж байгаа гэнэ.

Тэрээр бүжгийн мэргэжлийн багш болж ирээдүйн аваргуудыг бэлтгэхийг мөрөөддөгөө энэ үеэр ярьжээ. “Мундаг багш болж ирээдүйн аваргуудыг бэлтгэх, үр хүүхэддээ үлгэр дууриал болсон сайн эхнэр болохыг мөрөөддөг” гэж тэрээр ТАСС-ын сурвалжлагчид ярьжээ.