Хятад улс төрийн өмч хөрөнгө идэж завшсаны төлөө цаазаар авах ялын дээд хэмжээ ногдуулах мөнгөний доод хэмжээг гурван сая юань буюу 463 мянган доллар гэж тогтоолоо хэмээн БНХАУ-ын Ардын дээд прокурорын газар, Ардын дээд шүүх тогтоож хамтарсан тогтоол гаргасан байна.
Хуулийн энэ байгууллагууд авлигын хэрэг нь асар их хортой үр дагавартай хүнд гэмт хэрэг хэмээн үзэж ийн шийдвэрлэжээ. Тогтоолд “ Хуулиар хөнгөлөх шаардлаагтай нь тогтоогдвол цаазаар авах ялыг хоёр жилээр хойшлуулан түдгэлзүүүлж болно” гэж заасан байна.
2016 оны нэгдүгээр сард гэхэд л БНХАУ зөвхөн авлигын хэргээр 5000 гаруй албан тушаалтныг шийтгэсэн бол 2015 онд 50 мянган хүн авлигын хэргээр ял шийтгүүлсэн юм.