БНХАУ тив хоорондын шинэ “Дунфэн 41” гэдэг баллистик пуужин туршлаа гэж Пентагоны эх сурвалж мэдээлснийг Washington Free Beacon хэвлэл дамжуулсан байна.
АНУ-ын тусгай албаны мэдээлснээр бол хятадын энэ шинэ пуужин нь 10 мянган км нисээд  толгойн хэсэг нь 6-10 хэсэг болон задардаг гэнэ. Энэ шинэ пуужингаа хятадууд Өмнөд хятадын тэнгист байрладаг маргаантай арлуудын нэгэн дээр өндөр тушаалын нэг генерал очих үеэр туршжээ. Энэ бүхэн энэ бүсэд байгаа америкийн нисэх онгоц тээгч “Жон К.Стеннис” хөлөг дээр АНУ-ын Батлан хамгаалахын сайд Эштон Картер очсоноос гурав хоногийн дараа болж байгаа юм.

Үүний өмнө 2015 оны арванхоёрдугаар сарын 5-нд хятад улс төмөр зам дээрх тээврийн хөөргөгч сууриас пуужин хөөргөж байсан бол энэ удаа пуужингаа хаанаас хөөргөснийг эх сурвалж тэмдэглэсэнгүй.

Хятад “дэлхийд хамгийн холын тусгалтай пуужинг” энэ 2016 онд зэвсэглэлдээ оруулж магадгүй гэж Kanwa Asian Defence сэтгүүл мэдээлж байсан юм.
Гуравдахь үеийн ийм шинэ баллистик пуужин бүтээж байгаа талаарх мэдээлэл бүр 2014 оны долдугаар сард АНУ-ыг “Аюулгүй байдал, зэвсэгт хүчний хөгжлийн байдал” гэсэн илтгэл хэвлүүлж байхад гарч байсан юм. Энэ илтгэлд БНХАУ цэрэг зэвсэглэлийн хүчээ нэмэгдүүлэн, цэргийн бэлтгэлээ ихэсгэж байгаа нь Вашингтонд аюул заналхийлж байна гэж тэмдэглэж байжээ.

Хятад нь  бүс нутгйин Япон, Вьетнам, Филиппин зэрэг усаар хиллэдэг орнуудтайгаа  Өмнөд Хятадын болон Дорнод Хятадын тэнгист зарим талаар маргаантай байдаг юм. Эндээ дэгээр улсууд бүс нутгийн асуудлаар АНУ-ын дэмжлэгийг авч байна хэмээн буруутгадаг юм.