Украины ерөнхийлөгч Петр Порошенко зарлиг гаргаж оросын 430 кино, цуврал киног улсынхаа газар нутагт гаргахыг хориглосон байна.

Баримт бичигт “Энэ бол Украин улсын үндэсний аюулгүй байдлыг хамгаалах түвшинг нэмэгдүүлэх арга хэмжээ” гэсэн байна. Энэ бүхий л киног бүр 2014 оны нэгдүгээр сарын 1-нээс хойш гаргахгүй хориглосон ч ямар ямар кино энэ жагсаалтад орсон болохыг эх сурвалж дурдаагүй байна.

Үүний өмнө Петр Порошенко оросын хүчний байгууллагуудын тухай киног хэдэн онд ч үйлдвэрлэсэн бай хамаагүй хориглосон юм. Украины Дээд радагийн депутатууд “Оросын кинонууд нь Украин улсын үндэсний аюулгүй байдалд аюул учруулж, украины армийн дайчдын сэтгэл санаанд муугаар нөлөөлж байна” гэж мэдэгджээ.