Туркийн ерөнхийлөгч Тайип Эрдагон Армяны шашны тэргүүн Константинополийн патриарх Арам Атешянд захидал бичиж 1915 ондл Османы эзэнт гүрний зүгээс армянчуудын эсрэг үйлдсэн хядлагын 101 жилийн ойг тохиолдуулан үүний золиос болсон хүмүүсийн ар гэрийнхэнд эмгэнэл илэрхийлжээ.

“Турк улс нэг түүх, нэг уламжлал бүхий хөрш ард түмний дунд бие биеэ үзэн ядах, дайсагналыг үгүй болгох, энхтайван, найрамдал тогтоох, түүхийг улс төрийн үүднээс тайлбарлахын  төлөө чармайн ажиллаж байна” гэж Эрдагон бичжээ. 

Тэр бас “турк армян хоёр ард түмэн нь нэг мянга гаруй жилийн туршид хөрш зэргэлдээ оршин түүх соёлоо хамтран бүтээж ирснийг” тэмдэглэжээ.
Эрдагоны илгээлтийг Стамбул дахь Гэгээн Марийн сүмд дурсгал хүндэтгэх ёслолын өмнө армян хэл дээр уншсан байна.

Үүний өмнө Турк улс Османы эзэнт гүрэн дэлхийн нэгдүгээр дайны үед армянчуудын эсрэг геноцит, хядлага үйлдсэнээ хүлээн зөвшөөрөхгүй ямагт эсэргүүцдэг байсан юм.