Америкийн Мериленд мужийн Балтимор хотод  хулсны баавгайн  хувцас өмсч, амны хаалт зүүсэн  нэгэн эр телевизийн Fox 45 станцыг дэлбэлнэ  заналхийлжээ.
Баг, хулсны баавгайн хувцас өмссөн эр телевизийн байр луу нэвтрэн дэлбэлнэ, тэсрэх бодисоо идэвхжүүллээ шүү гэж заналхийлжээ. Тэр бас “Панамын баримт бичгүүдтэй” эн зэрэгцэхүйц маш чухал мэдээлэл байгаа, үүнийг маш яаралтай эфирээр дамжуул хэмээн шаардсан байна. Энэ үеэр хүчнийхэн ирж телевизийн байрыг бүсэлж, хүмүүсийг барилгаас гаргажээ.

Дараа нь тэрээр байшингаас гарч ирэхэд хүчнийхэн түүнийг гараа халааснаасаа гаргаж, бууж өгөхийг шаардсан ч  халааснаасаа гараа авахгүй байснаас мэргэн буудагч түүнийг буудахад хүрчээ.
Буудуулж зам дээр унасан түүн рүү цагдаагийнхан ойртож нэгжиж үзэхэд түүнээс ямар ч тэсэрч дэлбэрэх бодис олдоогүй байна. Балиморын цагдаагийн газрын хэвлэлийн төлөөлөгч Ти Жей Смитийн хэлснээр бол тэр амьд, эмнэлэгт хүргүүлсэн гэнэ.
Чухам яагаад ийм үйлдэл хийх болсон нь тодорхойгүй, хэргийг шалгаж байгаа юм байна.