Иракын засгийн газрын зэвсэгт хүчин Алан хядагч “Лалын улс” зэвсэгт бүлэглэлийн эзэмшиж байсан нефтийн хэд хэдэн орд газрыг булаан хяналтдаа авсан болохоор алан хядагчид  мөнгө олох аргаа өөрчилж загас барьж, машины наймаагаар орлого олох боллоо гэж Иракын Мөрдөн шалгах төв мэдээлсэн байна.
Тусгай албаны мэдээллээр бол Зэвсэгт бүлэглэлийнхэн нийслэл Багдадаас хойш байдаг нуураас загас барьж эндээсээ сард хэдэн сая долларын орлого олдог гэнэ.
Үүний зэрэгцээ “Лалын улс” бүлэглэлийнхэн бараа бүтээгдхүүний импорт, газрын татвараар мөнгө олж, Иракын өмнөх засгийн газрын мэдэлд байсан машинуудыг борлуулж орлого олж байна гэж энд дурджээ. “Лалын улс” бүлэглэлийн сарын орлого бараг 30 хувь унаад байна гэж үүний өмнө мэдээлж байсан юм.