Оросын Үндэсний мэдээний албаны редактор Александр Рубцовыг гэрт нь олон удаа хутгалан зэрлэгээр хөнөөсөн байхыг олсон байна. “Бидний найз, эрхэм нөхөр, Үндэсний мэдээний албаны редактор Александр Рубцов нас нөгцлөө. Тэр дөнгөж 35 настай байсан. Түүний бэлтгэсэн мэдээ мэдээллийг бид сүүлийн хоёр жилд “НАШЕ Радио”, Rock FM, Best FM и “Радио JAZZ” гэсэн дөрвөн радио станцын мэдээллийн хөтөлбөрөөр  хүлээн авдаг байсан” гэж Үндсэний мэдээний албаны сайтад бичжээ.

Сэтгүүлчийг дэлхийн хэвлэлийн эрх чөлөөний өдөр тавдугаар сарын 3-нд гэртээ амь алдсан байхыг Калугаас хүүдээ баярын мэнд хүргэхээр ирсэн ээж нь анх олсон байна гэж мэдээлэлд дурджээ.
 Рубцовыг зэрлэгээр зодоод нуруунд нь долоон удаа хутгалан айшигтайгаар хөнөөсөн байсан гэнэ.

“Үүнийг хэн хийснийг бид мэдэхгүй. Гэхдээ л энэ бол түүний мэргэжлийн үйл ажиллагаатай холбоотой. Саша өөрөө хаалгаа тайлж өгсөнийг бодоход таньдаг хүн нь байж таараа. Алуурчны зураг хяналтын камерт байгаа байх. Түүнийг олохын төлөө чадах бүхнээ хийнэ” гэж үзэг нэгт нөхөд нь бичжээ.
Александр Рубцов хамгийн сүүлд дөрөвдүгээр сарын 29-ний өдөр эфирт гарч нэвтрүүлгээ хөтөлсөн юм байна.