Хятадын Сычуань мужийн нутагт байдаг  хулсны том баавгай судлах  Чэндусс төвд өнгөрсөн ням гарагт том баавгайн анхны бамбарууш мэндэлсэн байна. Ай Бан нэртэй эм баавгайн бамбарууш одоохондоо нүдээ нээгээгүй, дөнгөж 145 грамм жинтэй байгаа гэнэ.
Хулсны том баавгай нь ууланд амьдарч, голдуу хулсны навчаар хооллон, өдөрт дунджаар 30 кг навч иддэг юм байна. Хулсны баавгай нь баавгайн төрлийн амьтан боловч зарим төрхөөрөө илбэнхтэй төстэй. Хар цагаан хосолсон энэ эгдүүтэй памбагар амьтан Дэлхийн зэрлэг байгалийн сангийн бэлгэ тэмдэг болсон байдаг
Хулсны баавгай нэн ховордож ердөө 1500 орчим үлдсэний ихэнх нь амьтны хүрээлэнд амьдарч байгаа юм.
Хятадад хулсны жижиг баавгай их байдаг, томтойгоо гадаад төрхөөрөө ойролцоо боловч тэд төрөл биш гэнэ.