Хар тамхины наймааны “Синалоа” бүлэглэлийн тэргүүн, хаан Эль Пачо буюу “Атигар” хочтой Хоакина Гусманыг АНУ-д хүлээлгэн өгөхийг Мексикийн шүүх хүлээн зөвшөөрсөн байна.

Америк, мексикийн хэвлэлүүдийн мэдээлж байгаагаар Гусманыг энэ оны сүүлч гэхэд АНУ-ын шоронд шилжүүлж өгөх бололтой.
“Энэ оны эцэс гэхэд түүнийг шилжүүлж өгөн гэж тооцоолж байна” гэж АНУ-ын өндөр албаны хүний хэлснийг сэтгүүлчид дамжуулжээ. Гусманыг хүн хулгайлсан, аллага үйлдсэн, хар тамхины наймаа хийсэн хэрэгт буруутган баривчилсан юм. Гэхдээ түүнийг АНУ-д шилжүүлэн өгөх тухай эцсийн шийдвэрийг Мексикийн Гадаад хэргийн яам гаргах юм.

Одоохондоо “Атигар” Гусманыг АНУ-ын хийлэн ойролцоох Сьюдад-Хуарес хотын чанга дэглэмтэй хорих ангид шижүүлэн хориод байгаа юм.

Хоакин Гусман бол Мексикт хамгийн ихээр эрэн сурвалжлагдаж байгаа хар тамхины том гэмт хэрэгтэн юм. Түүний эзэмшдэг Синалоа бүлэглэл нь АНУ-д хууль бусаар орж ирдэг хар тамхи, мансууруулах бодисын дөрөвний нэгийг хянадаг юм байна.

Гусманыг 1993 онд баривчилж 20 жилийн хорих ялаар шийтгэсэн боловч цагаан хэрэглэлийн сагсанд нуугдан оргож байсан юм. Дараа нь 2014 онд дахин баривчилсан ч 2015 оны долдугаар сард шоронгийн доогуурх хонгилоор дамжин дахин оргосон байна.

Харин энэ оны нэгдүгээр сард Мексик армийн элит  салаагаар дэмжүүлэн тусгай ажиллагаа зохион байгуулж байж Гусманыг Лос Мочис хотын нэг жижиг буудлаас баривчилсан юм.