Өмнөд Солонгос, АНУ, Япон улсууд ирэх зургадугаарт БНАСАУ-ын пуужингийн аюулыг няцаахад чиглэсэн хамтарсан анхны хээрийн сургууль хийнэ гэж Өмнөд Солонгосын Батлан хамгаалах яманы эх сурвалжаас авсан мэдээллээ өмнөдийн хэвлэлүүд даваа гарагт дамжуулжээ.

“БНАСАУ-ын зүгээс цөмийн болон пуужингийн цохилт өгнө хэмээн заналхийлж байгаа үед пуужингийн аюулаас Өмнөд Солонгосыг хамгаалах зорилготой хамтарсан хээрийн сургууль хийхээр тохирч, Өмнөд Солонгос, АНУ, Япон улсууд тактикийн асуудлыг ярьж байна” гэж БХЯ-ны төлөөлөгч сэтгүүлчдэд мэдэгджээ.

Сургуулилтын үеэр талууд БНАСАУ-ын пуужингуудыг  илрүүлэх хүчин чадлыг нь тодорхойлох ажлаар дадлага хийх юм байна. Энэ сургууль Хавайн арал орчим болно.

Харин барууны хэвлэлүүд энэ сургуулилтын үеэр умард солонгосын пуужингийн үүргийг америкийн онгоцууд гүйцэтгэж бай болон, түүнийг хөлөг онгоцон дээр сууриллуулсан агаараас эсэргүүцэн хамгаалах “Ижис” цогцолбор “мөрдөх” юм гэж бичиж байна.